Шаноўныя сябры! Запрашаем Вас прыняць удзел у Сусветных днях назіранняў за птушкамі , якія адбудуцца ў гэтым годзе ў суботу-нядзелю 4-5 кастрычніка.

У суботу, 4 кастрычніка з 14 да 16.00 у парку Жылібера каля бронзавай німфы (або т.зв. помніка знішчаным дрэвам) будзе працаваць пляцоўка АПБ з трубамі і біноклямі для назірання за птушкамі. Сябры АПБ таксама адкажуць на любыя пытанні наконт птушак і дзейнасці АПБ. Акрамя знаёмства са звычайнымі відамі птушак Вы зможаце пагартаць і набыць палявы вызначальнік «Птушкі Еўропы» на беларускай мове, азнаёміцца з выданнямі АПБ і далучыцца да яе сябраў.

У нядзелю, 5 кастрычніка , запрашаем Вас прыняць удзел у экскурсіі на птушак на ачышчальныя сажалкі ВА «Гродна-Азот» каля в.Беражаны. Ў назіраннях дапамогуць зрокавыя трубы і некалькі бінокляў. Пасля экскурсіі адбудзецца смажанне і спажыванне каўбасак (і не толькі) у нефармальнай абстаноўцы на беразе Нёмана. Для дзетак і падлеткаў прадугледжваюцца інтэрактыўныя экалагічныя гульні. Ад’езд адбудзецца ў 9.00 на аўтобусе ад стаянкі насупраць Абласной філармоніі (былы Палац культуры хімікаў), у 14.00 на тым жа аўтобусе вяртаемся ў горад. Кошт удзелу для дарослых – 10 тыс . руб (аплата арэнды аўтобуса і харчавання), прысмакі, гарачыя напоі ды іншае варта ўзяць з сабой. Калі з Вамі будуць дзеткі – іх удзел бясплатны. Выезд адбудзецца пры любым надвор’і, таму апранайцеся адпаведна яму. Просьба да суботы СМСкай на нумар +375-296-141-666 (Дзьмітры Вінчэўскі) пацвердзіць свой удзел і напісаць імя і прозвішча дарослых удзельнікаў і колькасць дзетак, якія паедуць з Вамі. З задавальненнем адкажам на Вашы пытанні па мабілцы (нумар гл. вышэй), або па гарадзкім тэлефоне 73-01-18.
Разам для птушак і людзей!

Рада Гродзенскага абласнога аддзялення ГА «Ахова птушак Бацькаўшчыны» (АПБ)
На фота Дзьмітрыя Вінчэўскага сокал-пустальга на крыжы вежы бернардынскага кляштара ў Гродна.