In English, please
Знайшлі памылку ў тэксце?
Вылучыце яе з дапамогай мышкі і націсніце
Школы бёрдвочараў адкрываюцца ў рэгіёнах

Гэтай вясной грамадская арганізацыя «Ахова птушак Бацькаўшчыны» (АПБ) ладзіць у гарадах Гомельскай і Брэсцкай абласцей Школы бёрдвочара – бясплатныя курсы, якія пазнаёмяць самых цікаўных з сотняй відаў птушак.

Бёрдвочар – гэта той, хто любіць назіраць за птушкамі ў дзікай прыродзе. Бёрдвочынг ужо даўно зрабіўся адным з самых папулярных хобі ў многіх краінах.

Вельмі цікава адкрываць для сябе новыя віды птушак, сачыць за іх паводзінамі і атрымліваць асалоду ад назірання за імі – і рабіць гэта можна нават у гарадах. Толькі ў Мінску можна пабачыць каля 200 відаў птушак!

Хочаш даведацца, якія птушкі пяюць у кустах, ці баліць у дзятла галава, якая сава носіць штаны, а якія птушкі маюць зачосы?  Запісвайся ў Школу бёрдвочара ў сваім горадзе – і хутка ты ўбачыш, як многа самых розных птушак вакол цябе.

Брэст, Кобрын, Камянец, Баранавічы, Бяроза, Пружаны, Гомель, Тураў і Мазыр чакаюць сваіх вучняў-птушкароў!

Заяўкі прымаюцца ад людзей з 18 гадоў, незалежна ад адукацыі і прафесіі.

Школа складаецца з васьмі заняткаў у класе і двух практычных птушыных экскурсій, якія пройдуць у выходныя.

Кожны выпускнік Школы бёрдвочара атрымае вызначальнік птушак.

Каб запісацца ў Школу, абяры горад з пералічаных вышэй, раскажы, чаму табе цікава ўдзельнічаць і дашлі свае кантакты на электронны адрас salavei@ptushki.org.

Школы пачнуць заняткі ў сакавіку-красавіку. Запісацца пажадана на працягу лютага: колькасць месцаў абмежаваная. Заняткі бясплатныя.

Назіранні за птушкамі – гэта збліжэнне з прыродай,якое дорыць радасць і здароўе. Далучайся да ініцыятывы – і будзь здаровы разам з птушкамі!

Даведка: Школа бёрдвочара ладзіцца ў межах ініцыятывы «Будзь здаровы з птушкамі!», якую АПБ правядзе сёлета ў 10 раённых цэнтрах Гомельскай і Брэсцкай абласцей. Ініцыятыва рэалізуецца ў межах праекта міжнароднай тэхнічнай дапамогі «Прафілактыка неінфекцыйных захворванняў, прасоўванне здаровага ладу жыцця і падтрымка мадэрнізацыі сістэмы аховы здароўя ў Рэспубліцы Беларусь» («БЕЛМЕД»), які фінансуецца Еўрапейскім Саюзам і рэалізуецца ПРААН, СААЗ, ЮНІСЕФ і ЮНФПА у парнёрстве з Міністэрствам аховы здароўя Рэспублікі Беларусь.

Таксама глядзіце
Новы нумар часопіса "Птушкі і мы": цікавосткі бёрдвочынгу — у любы сезон і ў розных краінах
Апошні званок у чацвертай Школе
Вакансия АПБ: преподаватель Школы бердвотчеров!
Осень: пора в школу. Школу бёрдвотчера!
Скоро весна: новый набор в школу бёрдвотчера!
"От Аиста до Ястреба": школа бердвотчеров стала еще доступнее!
Сколько птиц можно выучить за три месяца?
Экспресс-курс "Птицы на болоте": за что кулик свое хвалит?
22 февраля: «птицы открытых пространств» за 2 часа!
"От Авдотки до Ястреба": со 2 марта — новая школа бердвотчеров!