In English, please
Знайшлі памылку ў тэксце?
Вылучыце яе з дапамогай мышкі і націсніце
У дзень ВБУ — плюс тры!

Яшчэ тры водна-балотныя ўгоддзі Беларусі атрымалі міжнародны статус аховы: "Палеская даліна ракі Буг", "Сэрвач" і "Вілейты"! 

Прыбярэжныя змешаныя лясы з дуба, вяза і ясеню ў Палескай даліне ракі БугПрыбярэжныя змешаныя лясы з дуба, вяза і ясеню ў Палескай даліне ракі Буг

У Беларусі былі вызначаны 17 рамсарскіх тэрыторый. Цяпер да іх дадаліся яшчэ тры: «Палеская даліна ракі Буг», «Сэрвач» і «Вілейты». Віншуем усіх, хто меў дачыненне да гэтых перамог!

Старыца ў пойме БугаСтарыца ў пойме Буга

- Амаль усе цяперашнія рамсарскія ўгоддзі ў нашай краіне — гэта тэрыторыі, важныя для птушак. Калісьці канвенцыя адмыслова і стваралася, каб захаваць ланцужкі балот і азёр на шляху міграцыі качак і гусей, без якіх яны бы даўно зніклі. У нацыянальным спісе – больш за 50 ТВП, большасць якіх– ВБУ, дастойныя стаць рамсарскімі. Гэта прыцягне да іх не толькі ўвагу турыстаў-аматараў прыроды, але і таксама абнадзейвае, што іх не асушаць, - адзначае дырэктар АПБ Аляксандр Вінчэўскі.

АПБ пры падтрымцы Мінпрыроды і сакратарыята Рамсарскай канвенцыі даследавала памежную даліну ракі Буг каля Брэста і падрыхтавала заяўку на статус міжнароднага ВБУ. Сябры з Брэсцкага абласнога аддзялення АПБ не толькі добра даследавалі гэту тэрыторыю і падрыхтавалі план кіравання, але і падрыхтавалі для яе аховы мясцовых жыхароў. 

Палеская даліна р.Буг Палеская даліна р.Буг

Дарэчы, Палеская даліна ракі Буг – патэнцыяльная ТВП. АПБ падрыхтавала ўсе неабходныя дакументы для прыдання тэрыторыі такого статуса. У гэтым кутку Беларусі адзначаны такія віды птушак, як чорны бусел, качка-неразня, нырок-сівак, малы пагоніч, чорная рыбачка, звычайны ляляк, сярэдні дзяцел, ластаўка-зямлянка.

Заказнік «Сэрвач» – значная ТВП міжнароднага значэння, самае паўночнае ў Беларусі месца гнездавання вяртлявай чаротаўкі.

«Вілейты» – памежная з Літвой тэрыторыя, асабліва важная для мігрыруючых птушак. Дадатковыя даследаванні пакажуць, ці можа яна прэтэндаваць на статус ТВП.

Спадзяемся, што міжнародны статус аховы дапаможа захаваць гэтыя ўнікальныя мясціны і штогод мы будзем адзначаць на іх усё больш птушак!

Дубова-грабавыя лясы ў Палескай даліне р.Буг Дубова-грабавыя лясы ў Палескай даліне р.Буг

Даведка: Беларусь – удзельнік Рамсарскай канвенцыі (Канвенцыі аб водна-балотных угоддзях) з 1999 года, калі заказнік «Спораўскі» быў першым з беларускіх водна-балотных угоддзяў уключаны ў рамсарскі спіс. 

Фота — А. Абрамчук 

Таксама глядзіце
АПБ у "Лічбах і фактах" 2017
Абвешчаныя першыя Абаронцы дзікай прыроды
"Птушкі ля кармушкі" 20-21 студзеня! Як занесцi свае назiраннi?
У Беларусі ўпершыню назавуць Абаронцаў дзікай прыроды
Стань Старшынёй АПБ ці ўваходзь у Цэнтральны Савет!
Прапануем кандыдатаў... на званне Птушкі 2019 года!
Где побывал «исчезнувший» Полешук и куда летал Тихон на праздники? Новости от больших подорликов
Далучайся да "перапісу" вадаплаўных птушак!
Агляд Клуба200 АПБ: якія новыя і рэдкія для Беларусі віды птушак мы бачылі ў 2017 годзе?
Лебедзі на зімоўцы: калі і як дапамагаць?