Запрашаем да ўдзелу ў ХI адкрытым Чэмпіянаце па спартыўный арніталогіі — Birdrace 2014!  Спаборніцтвы пройдуць у першую суботу восені (6верасня) з 6 да 18 гадзін. Па традыцыі, Чэмпіянат будзе праходзіць на працягу 12 гадзін. 

Команда Aquilla. Birdrace 2012 Фото: Р.Романович

Хто можа прыняць удзел? Запрашаем усіх жадаючых, у тым ліку грамадзян замежных краін! 

Як зарэгістравацца? Падайце да 10 раніцы 5 верасня ў Сакратарыят АПБ заяўку. Інфармацыя прымаецца па тэлефонах: 8- 017-263-06-13, 8-029-223-06-13 МТС, 8-029-101-68-87 Velcom альбо па электроннай пошце info@ptushki.org (абавязкова паставіць копію на адрас levy@ptushki.org).

Што адзначыць у заяўцы?

• Назва каманды;
• Склад каманды(4 чалавекі; мінімум двое павінны быць старэйшыя за 18 гадоў);
• Месца старту;
• Нумар тэлефону для сувязі.

Звяртаем вашу ўвагу, што з гэтага году Правілы Адкрытага чэмпіянату Беларусі па спартыўнай арніталогіі змененыя! Пазнаёміцца з новымі Правіламі можна тут.

Наш чэмпіянат – гэта адзіныя спаборніцтвы такога кшталту. Далучайцеся!